Ibi nk’uko tubikesha Ibiro Ntaramakuru by’Abongereza birerekana imidugararo ikomeje kwiyongera mu Ngabo za Congo imbere y’ibitero by’umutwe w’inyeshyamba M23, zigaruriye imijyi ibiri minini ya Repubulika ya Demokarasi ya Congo kandi bitera ubwoba bw’intambara yagutse.
Itangazo ry’umuvugizi w’igisirikare ushinzwe ibikorwa mu Ntara ya Kivu y’Amajyaruguru ryategetse abasirikare bahunze bakikije Lubero gusubira mu birindiro byabo mu masaha 12 maze bahamagarira abasirikare bose kwirinda ubujura n’ibindi bikorwa bitemewe.
Mu gitondo cyo kuwa Kane, abaturage batanu bo mu mujyi wa Lubero basobanuye ibintu birimo akajagari bifitanye isano no gutoroka kw’abasirikare ku mirongo y’imbere y’urugamba, harimo kurasa nta mpamvu no gusahura ku isoko ryo hagati no mu maduka acuruza telefoni zigendanwa n’imyambaro.
Umwe mu baturage yagize ati: “Ni imvururu zuzuye muri Lubero. Amasasu ashobora kumvikana … Abasirikare biruka mu mpande zose”.
