Gen Kahinda Otafiire, Minisitiri wa Uganda ushinzwe Afurika y’Iburasirazuba, yabwiye Bobi Wine gukomeza kubyina no kuririmba, ngo kuko atarwaniye Uganda imyaka itandatu kugira ngo iyoborwe n’uriya muhanzi.
Yabitangaje kuri uyu wa Kabiri ubwo yari yaherekeje Perezida Yoweri Museveni mu gace ka Kashenyi, aho yiyamamarije.
Gen Otafiire yagaragaje ko kuyobora Uganda atari irushanwa ry’imyidagaduro, ko ahubwo ari irushanwa ryo gushaka Perezida ubikwiye.
Ati: “Nkunda indirimbo za Kyagulanyi, ariko Kyagulanyi ntashobora kunyobora. Sinarwanye muri Luweero kugira ngo nyoborwe na Kyagulanyi. Twagiye muri Luweero turarwana, none murambwira ngo ntegekwe na Kyagulanyi? Ntibishoboka! Kyagulanyi ntaho yatugeza!”
Gen Otafire yunzemo ati: “Ntidushobora guhererekanya ubutegetsi n’umuntu ukangisha urugomo.”
Daily Monitor ivuga ko atari bwo bwa mbere Gen Kahinda Otafiire yari avuze amagambo nk’ariya.
Mu Ukwakira umwaka ushize ubwo yari akiri Minisitiri w’Ubutabera, yavuze ko igisirikare cya Uganda kititeguye gukorana n’uwo ari we wese ukoresha nabi ubutegetsi bw’abaturage ku bw’inyungu ze bwite.
Ati: “Numvise hari abasakuza ngo People Power (Ishyaka ryari irya Bobi Wine), Ese uhagarariye ubuhe butegetsi, abo bantu ni bande? Tuzarinda ubu butegetsi twifashishije igisirikare kirwanira ku Butaka n’icyo mu kirere. Wowe wese uzagerageza guhungabanya ubu butegetsi, ahawe ikaze, ariko ntukicuze ikizakurikiraho.”
Perezida Museveni mu ijambo rye, we yakomoje ku bamusaba kujya mu kiruhuko cy’izabukuru, ashimangira ko ababivuga batuzuye mu mutwe.
Ati: “Abo bantu birirwa basakuza bati genda, muratekereza ko ntazi aho ngomba kujya? Ntabwo buzuye. Rimwe na rimwe mpangayikishwa n’impamvu basakuza, niba ari ku bw’ibiryo cyangwa basakuriza intambara.”
4 Responses
Gen Otafiire yavuze ko atazemera ko Bobi Wine ayobora igihugu yarwaniye imyaka 6
Natange ubutegezi niyatsidwa nimbakunda abanyagihugu biwe ataraho namaraso azoseseka
Gen Otafiire yavuze ko atazemera ko Bobi Wine ayobora igihugu yarwaniye imyaka 6
Natange ubutegezi niyatsidwa nimbakunda abanyagihugu biwe ataraho namaraso azoseseka
Gen Otafiire yavuze ko atazemera ko Bobi Wine ayobora igihugu yarwaniye imyaka 6
Natange ubutegezi niyatsidwa nimbakunda abanyagihugu biwe ataraho namaraso azoseseka
Gen Otafiire yavuze ko atazemera ko Bobi Wine ayobora igihugu yarwaniye imyaka 6
Natange ubutegezi niyatsidwa nimbakunda abanyagihugu biwe ataraho namaraso azoseseka