Perezida wa Repubulika, Paul Kagame , kuri uyu wa Mbere yakuye Gen. Patrick Nyamvumba , ku mwanya Minisitiri w’Umutekano yari yaragiyeho mu Gushyingo 2019.
Mu itangazo ryashyizweho umukono na Minisitiri w’Intebe, Dr. Edouard Ngirente, rivuga ko Perezida Kagame, yakuye Gen. Nyamvumba kuri uyu mwanya kubera iperereza riri kumukorwaho. Iri tangazo rikomeza rivuga ko agomba gusubira gukorera ku biro bikuru by’ingabo (RDF) mu gihe agitegereje ikindi cyemezo.
Gen. Nyamvumba yagiye kuri uyu mwanya wa Minisitiri w’Umutekano mu Gushyingo 2019 avuye ku mwanya w’Umugaba w’Ingabo z’u Rwanda aho yasimbuwe na Gen. Jean Bosco Kazura.
