Guverineri w’Intara y’u Burengerazuba, Habitegeko François, yagiye mu Ntara ya Cibitoke mu Burundi kuri uyu wa 15 Ukwakira 2021, aho ari kugirana ibiganiro na mugenzi we, Bizoza Carême. RBA kuri Twitter yatangaje ko ibi biganiro biri kubera muri Komini Rugombo bigamije gukomeza imigenderanire myiza hagati y’izi ntara zituranye. Harebwe amashusho, ni ibiganiro byanitabiriwe n’abarimo abasirikare bakuru n’abapolisi bo mu Burundi. Abayobozi ku ruhande rw’ u Rwanda n’ u Burundi bakomeje guhura, bareba uko banoza umubano w’ibihugu byombi wazambye kuva mu 2015.
