Minisiteri y’Ubuzima mu Rwanda kuri uyu wa 23 Kanama 2020 yatangaje ko abandi bantu 200 banduye icyorezo cya Covid-19, mu bipimo 6402 byafashwe., hakaba hapfuye umuntu wa 12.
Aba barimo 164 bapimwe mu masoko ya Kigali. Hari kandi 29 babonetse muri Rusizi bapimwe mu bibasiwe kurusha abandi, 5 babonetse mu Karere ka Rubavu na 2 babonetse mu Karere ka Huye.
Uwapfuye ni umubyeyi w’imyaka 71 nk’uko Minisiteri y’Ubuzima yabitangaje.
Abamaze gukira iki cyorezo ni 1755 barimo 1 wabonetse uyu munsi, abakirwaye bo ni 1322. Abamaze kugaragaraho iki cyorezo muri rusange ni 2980 mu bipimo 368344 byafashwe muri rusange.
