Minisiteri y’Ubuzima mu Rwanda kuri uyu wa 24 Kanama 2020 yatangaje ko abandi bantu 217 banduye icyorezo cya Covid-19, mu bipimo 3642 byafashwe, hakaba hapfuye abandi bantu 2.
Aba barimo 202 bapimwe mu masoko ya Kigali. Hari kandi 10 babonetse muri Rusizi bapimwe mu bibasiwe kurusha abandi, 2 babonetse mu Karere ka Rubavu, 1 wabonetse mu Karere ka Nyamasheke, 1 wabonetse muri Kamonyi n’undi wabonetse mu Karere ka Nyanza.
Abapfuye barimo uw’imyaka 64 y’amavuko n’uwa 70.
Abamaze gukira iki cyorezo ni 1785 barimo 30 babonetse uyu munsi, abakirwaye bo ni 1507. Abamaze kugaragaraho iki cyorezo muri rusange ni 3306 mu bipimo 371,886 byafashwe muri rusange.
