Minisiteri y’Ubuzima mu Rwanda kuri uyu wa 7 Nyakanga 2020 yatangaje ko hagaragaye abantu 59 banduye Covid-19 mu bipimo 2871 byafashwe. Aba barimo 49 babonetse muri Kigali.
Ababonetse i Kigali barimo abo mu kigo kinyurwamo by’igihe gito cya Kigali n’abari mu kato mu karere ka Kicukiro.
Abandi barwayi bbonetse ni abo: muri Rusizi 5, Nyamasheke 3, Kirehe 1 na Nyagatare 1.
Abamaze gukira iki cyorezo bageze kuri 595 barimo 20 b’uyu munsi.
Muri rusange abamaze kugaragaraho iki cyorezo mu Rwanda ni 1172, abakirwaye bageze kuri 574. Abamaze gupfa ni batatu barimo umusaza w’imyaka 65 y’amavuko, umupolisi w’imyaka 24 y’amavuko ndetse n’umusirikare w’imyaka 51 y’amavuko.
