Katika tamasha lililoitwa Hobe Night Meet & Greet lililofanyika Marekani, wasanii The Ben, Kevin Kade, na Producer Element hawakuonekana kama ilivyokuwa imetarajiwa.
Tamasha hilo lililoandaliwa na AfroHub Music kwa ushirikiano na Afrique Events, lilikuwa ni sehemu ya kusherehekea Siku ya Ukombozi ya Rwanda mnamo tarehe 4 Julai 2025.
Zaidi ya watu 800 waliohudhuria walionyesha masikitiko na hasira, baada ya kulipa viingilio vikubwa — meza zingine zikiwa na thamani ya hadi dola 500 — lakini wasanii waliokuwa wakisubiriwa hawakuonekana.
Katika taarifa yao, waandaaji walikemea kutowajibika kwa wasanii hao, wakisema kuwa walidharau mashabiki na kutenda kinyume na maadili ya taaluma. Walitoa msamaha wao kwa tukio hilo na kuahidi kuchukua hatua kali.
Kwa mujibu wa InyaRwanda, Element hakubeba nguo alizotaka kuvaa jukwaani, na Kevin Kade hakupata maikrofoni alipojiandaa kuimba. Sababu halisi ya kutokuwepo kwa The Ben bado haijajulikana.
Kuna matumaini kuwa wasanii hao huenda wakapanda jukwaani katika matamasha mengine yaliyopangwa kufanyika Jumamosi na Jumapili.
