Igisirikare cya Repubulika Iharanira Demukarasi ya Congo, FARDC, cyemeje urupfu rwa Gen. Afurika Jean Michel wayoboraga FDLR RUD Urunana kuri uyu wa 10 Ugushyingo 2019. FARDC ibicishije kuri Twitter ivuga ko Gen. Musabimena Juvenal (amazina nyakuri ya Jean Michel) yishwe nyuma ya saa sita kuri uyu wa 9 Ugushyingo 2019 mu gitero ingabo zagabye hagati y’agace ka Binza na Makola muri Teritwari ya Rutshuru mu ntara ya Kivu y’Amajyaruguru uyu mutwe washinzemo ibirindiro. ” FARDC yemeza urupfu rwa Gen. Musabimana Juvenal wiciwe mu gitero simusiga cyagabwe ku gicamunsi cy’uyu wa 9 Ugushyingo 2019 hagati ya Binza na Makola muri teritwari ya Rutshuru, muri Kivu y’Amajyaruguru.” FARDC kuri Twitter. Indi nyeshymba ikomeye yarahaguye, indi irahunga N’ubwo FARDC itabigarukaho, indi nyeshyam ifite ipeti rya Koloneri izwi nka Kagoma iri mu bantu icumi bicanwe na Brig. Gen. Musabyimana Juvenal. Ni imirwano yatangiye saa tanu z’amanywa kuwa Gatandatu tariki ya 10 Ugushyingo igeza saa tatu z’ijoro muri Teritwari ya Rutshuru, Gurupoma ya Busanza, Locarite ya Mpimbi. Amakuru ya Rwandatribune yavuganye kuri telephone n’Umuvugizi wa FARDC muri Kivu y’Amajyaruguru Maj. Ndjike Eric ifite ni uko muri iyi mirwano haguye abasirikare b’inyeshyamba 10 harimo n’uzwi nka Col. Kagoma. Aya makuru kandi avuga ko uwitwa Captain. Cassien Nshimiyimana uzwi nka Gavana yaba yarahungiye muri Uganda. Aba bagabo bakuru muri RUD-Urunana bishwe nyuma y’aho izi nyeshyamba bayoboraga zagabye igitero mu Rwanda mu Karere ka Musanze mu Mirenge ya Kinigi, Musanze na Nyange zikica abaturage 14 nk’uko inzego z’umutekano zabyemeje. Ku ruhande rwazo nazo ngo zatakaje abantu 19 ndetse batanu muri zo bafatwa mpiri (rwa mikono). Igisirikare cya Congo FARDC gikomeje kuvuga ko cyo ubwacyo ari cyo kiyobora izi operasiyo zica benshi mu basirikare bakuru b’inyeshyamba zari zarihaye ibirindiro mu burasirazuba bw’iki gihugu. Abakurikiranira hafi iby’umutekano muri aka gace bakibaza uko byari byaragenze na mbere hose kugira ngo ibi binanirane. Fungura tweet ya FARDC hano ivuga ku rupfu rwa Gen. Afurika Jean Michel hano https://twitter.com/FARDC_/status/1193424591252807680 Aya makuru aje akurikira ayaraye acicikana ku mbuga nkoranyambaga muri RDCongo no mu Rwanda nk’uko bigaragara muri iyi nkuru https://bwiza.com/?Gen-Jean-Michel-wari-uyoboye-FDLR-RUD-Urunana-yishwe
