Ibihugu 10 bya mbere bifite igisirikare gikaze muri Afurika ikoresha Igifaransa

Nk’uko byari bimeze mu mwaka ushize, igihugu cya Misiri, kinakoresha Igifaransa, kiracyaza imbere ku mugabane wa Afurika mu kugira igisirikare gikomeye n’abasirikare bose hamwe 930,000, barimo abari mu kazi 450,000. Gifite indege z’intambara zigera ku 1053, ibimodoka bya burende 11,000 n’ingengo y’imari ya miliyari 10 z’Amadolari.

Igihugu cya Algeria nicyo gikurikiraho mu bihugu byo muri Afurika bikoresha Igifaransa n’abasirikare 280,000, barimo abari mu kazi 130,000, indege 551, amato 201, sous marins 8 n’ingengo y’imari ya miliyari 13,904,000,000 z’amadolari.

Ku mwanya wa Gatatu haza Maroc ifite abasirikare 310,000 bari mu kazi ibibunda bya muzinga 510 n’indege 243, kikaba gishora miliyari 6 z’Amadolari mu gisirikare.

Hakurikiraho Repubulika iharanira Demokarasi ya Congo ku mwanya wa Kane ikoresha ingengo y’imari ya miliyoni 90 z’amadolari.

Tchad ikaza ku mwanya wa gatanu n’ingabo 30,500, indege z’intambara 36, imodoka za gisirikare 325 n’ingengo y’imari ya miliyoni 82,210,000 z’Amadolari.

Nk’uko tubikesha vudaf.com ndetse na wikipedia, inyuma ya Tchad haza Niger ku mwanya wa gatandatu ifite abasirikare 5,500 bari mu kazi indege 16, imodoka z’intambara 180 n’ingengo y’imari ya miliyoni 230 z’Amadolari.

Ku mwanya wa karindwi hagaragaraho igihugu cya Mali gifite abasirikare 10,000 bari mu kazi, indege 28, ibifaru 265 n’ingengo y’imari ya miliyoni 65 z’Amadolari.

Cameroun niyo ikurikira ku mwanya wa munani ifite abasirikare 14,500, indege 31, imbunda zirasa za bombe 60, amato 64 n’ingengo y’imari ya miliyoni 350 z’Amadolari.

Naho ku mwanya wa cyenda, haraza Côte d’Ivoire ifite abasirikare bari mu kazi 25,500, indege 5, amato 10, ibifaru 15 n’ingengo y’imari ya miliyoni 575 z’Amadolari.

Ku mwanya wa 10 haraza igihugu cya Congo Brazzaville gifite abasirikare 10, indege 13, ibifaru 175, amato 6 n’ingengo y’imari ya miliyoni 705 z’Amadolari.