Iyo umuntu ari mu buhemu, hari imyitwarire imwe n’imwe ishobora gutuma agerageza guhisha ibyo akora. Nubwo ibi bimenyetso bidahita byemeza ko umuntu aca inyuma mugenzi we, impuguke zivuga ko bishobora kuba impamvu yo kuganira no gushaka ukuri.
1. Guhisha telefoni ye
Ashobora gutangira gushyiraho amagambo y’ibanga mashya, guhora ayitwaye cyangwa akayihisha kugira ngo hatagira uyireba.
2. Guhindura gahunda za buri munsi
Ashobora gutaha atinze, akavuga ko afite akazi kenshi cyangwa ingendo zitunguranye zidafite ibisobanuro bihagije.
3. Kugenda yitarura umugore we
Urukundo n’ibiganiro bishobora kugabanuka, akagaragara nk’utagishishikajwe no kumarana igihe n’umuryango.
4. Kwerekana urukundo rudasanzwe
Hari igihe ashobora gutungura umugore we amuha impano cyangwa akamwitaho birenze ibisanzwe, ashaka kugabanya amakenga cyangwa kubera kumva amerewe nabi.
5. Guhora ashaka impamvu zo gushwana
Gutangiza amakimbirane bishobora kumubera urwitwazo rwo kuva mu rugo cyangwa kwirinda kubazwa byinshi.
6. Kuvuga inkuru zituzuye
Ashobora kwirinda gusobanura neza aho yagiye, abo yari kumwe na bo cyangwa ibyo yakoze.
7. Guhanagura ubutumwa n’amateka ya telefoni
Bamwe bahita basiba ubutumwa, amafoto cyangwa gusiba abo bavuganye kugira ngo bahishe ibimenyetso.
8. Guhakanira mugenzi we ibyo abona
Iyo abajijwe, ashobora guhakana ibintu cyangwa akagerageza gutuma umugore we yumva ari we ukeka ibintu bidafite ishingiro.
9. Kubeshya kenshi
Ashobora gukoresha ibisobanuro byoroshye kandi bihora ari bimwe kugira ngo bitamugora kubyibuka.
Ni ngombwa kuzirikana ko ibi bimenyetso byonyine bidahagije kwemeza ko umuntu aguca inyuma. Umubano mwiza wubakwa ku cyizere, ibiganiro bifunguye no kubwizanya ukuri aho gufata imyanzuro rushingiye ku makenga gusa.
