Umugabo wa Ishimwe Vestine, Idrissa Ouedraogo ari mu Buhinde, aho yatumiwe mu birori byo gufungura ku mugaragaro ibiro bishya by’ikigo mpuzamahanga Khajuraho Holdings (KHA), gikora ibikorwa by’ishoramari n’ubujyanama mu by’ubucuruzi.
Ibi birori byabaye ku wa 5 Ugushyingo 2026, mu gace ka Khajuraho, mu Karere ka Chhatarpur, muri Leta ya Madhya Pradesh mu Buhinde. Iki kigo gisanzwe gifite ibikorwa mpuzamahanga, birimo ibiro bikuru biri i Dubai na Singapore.
Mu bandi batumiwe harimo umuhinde w’umuherwe akaba n’umunyepolitiki, Guddu Raja Bundela, wagize uruhare mu kuyobora ibirori, ndetse na Akihiro Iwata waturutse mu Buyapani n’abandi bashyitsi baturutse mu bihugu bitandukanye.
Idrissa Ouedraogo yakiriwe n’Umwami Vikram Singh Nati Raja, ndetse ahabwa umwanya wihariye wo kugeza ijambo ku banyacyubahiro bari bitabiriye ibi birori.