Umwana w’imyaka icyenda w’umunya-Tunisia usanzwe ufana ikipe ya Espérance Sportive de Tunis, yifurije ikipe ya APR FC intsinzi imbere ya Etoile Sportive du Sahel.
Ifoto y’uyu mwana yafashwe ubwo APR FC yari igiye guhaguruka kuri Hotel ya IBEROSTAR icumbitsemo yerekeza kuri Stade ya Mustafa Bin Jannat ikiniraho na Etoile du Sahel.
Espérance de Tunis uriya mwana w’umuhungu afana isanzwe idacana uwaka na Etoile du Sahel, dore ko ari yo makipe ahangana cyane kurusha andi muri shampiyona ya Tunisia.
APR FC irasabwa gutsindira muri Tunisia byibura igitego 1-0 cyangwa ikahanganyiriza ibitego biri hejuru ya kimwe kugira ngo igere mu matsinda ya Champions league.
Ni nyuma y’uko yaguye miswi na Etoile du Sahel igitego 1-1, mu mukino ubanza wabereye i Kigali mu cyumweru gishize.
