Ikipe ya Newcastle United yo mu Bwongwereza yatangaje ko yiteguye gutanga miliyoni 200 z’amayero kugira ngo yegukane umukinnyi wa PSG, akaba na rutahizamu w’ikipe y’igihugu ya Brezil, Neymar da Silva Santos Junior, muri iyi mpeshyi igiye kuza.
Neymar na Lionel Messi baherutse kuvugirizwa induru n’abafana ba PSG mu mukino wabahuje na Bordeaux, bitewe ahanini n’uburyo bitwaye mu mukino bakinnye na Real Madrid maze bagasezerwa mu mikino ya UEFA Champions League.
Bitewe no kutishimirwa n’abafana, uyu mumkinnyi w’imyaka 30 ukomeje kubura ibitego, ngo shobora gusohoka muri PSG nk’uko ikinyamakuru Fichajens dukesha iyi nkuru kibiyuga.
Neymar wasinye yageze muri PSG mu mwaka w’2017 aguzwe akayabo ka miliyoni 198 z’amayero avuye muri FC Barcelona, akaba afite umushahara wa miliyoni 500 000 z’amayero ku kwezi. Nibura mu mikino 136 yakiniye PSG, yabashije gutsinda ibitego 92.
Newcastle ikina muri shampiyona y’icyiciro cya mbere mu Bwongereza ngo irashaka uyu mukinnyi, ikamutangaho aka kayabo, gusa ngo Pep Guardiola utoza Manchester City na we arakurikiranira hafi uyu mukinyi.
Guardiola ariko bivugwa ko yakenera Neymar mu gihe yaba ananiwe kwegukana rutahizamu Erling Haaland ukinira Borussia Dortmund yo mu Budage.
