Perezida Yoweri Museveni wa Uganda yahinduye ubuyobozi bw’ingabo uwari umugaba mukuru w’ingabo, Gen. Katumba Wamala amugira umunyamabanga wa leta muri minisiteri y’imirimo, naho Maj. Gen. David Muhoozi aba ari we agira umugaba mukuru w’ingabo.
Izi mpinduka zatangajwe kuri radio y’igihugu bwoherejwe na perezida Museveni, akaba n’umugaba mukuru w’ikirenga w’ingabo mu ijoro ryakeye kuri uyu wa Mbere.
Maj Gen. David Muhoozi wari asanzwe ari umugaba mukuru w’ingabo zirwanira ku butaka, akaba azungirizwa na Maj. Gen. Mbadi.
Umugaba mukuru w’ingabo zidasanzwe (Special Forces), akaba n’umuhungu wa perezida Museveni, Maj. Gen. Muhoozi Kainerugaba, we yagizwe umujyanama wa perezida ushinzwe ibikorwa bya gisirikare.
Uwari wungirije Muhoozi, Lt Col Don Nabaasa we yagizwe Colonel, ahita anagirwa umugaba mukuru w’ingabo zidasanzwe w’agateganyo nk’uko Chimpreports dukesha iyi nkuru ivuga.
Uwari Umugaba mukuru wungirije w’ingabo, Lt Gen. Charles Angina we asa nk’uwamanuwe mu mirimo agirwa umuyobozi ushinzwe imibereho myiza. Uyu akaba ari nawe uherutse kuvugwa mu butekamutwe bwo kugura intwaro muri Pologne.
[xyz-ihs snippet=”google-pub”]
Brig. Peter Elweru wari umuyobozi wungirije wa Division, akaba ari nawe wari uyoboye ibitero UPDF iherutse kugaba ku bwami bwa Rwenzururu akanata muri yombi Umwami Kingsley Mumbere, yagizwe Maj. Gen. ahita anahabwa kuba umugaba mukuru w’ingabo zirwanira ku butaka.
Brig. Okiding wari uyoboye ingabo za Uganda ziri mu butumwa bwo kubungabunga amahoro muri Somalia, yagizwe Maj. Gen. ndetse n’umuyobozi w’umutwe ukoresha intwaro nini (Commander Field Artillery).
Ni mu gihe uwari umukuru w’urwego rw’iperereza mu gisirikare, Brig. Charles Bakahumura yagizwe ushinzwe ibikoresho n’ubwubatsi,asimburwa na Lt Col Abel Kandiho wahise anagirwa Col, naho Brig. Mugyenyi azamurwa mu ntera aba Maj. Gen. agirwa umugaba mukuru w’ingabo zirwanira mu kirere.
Kanda hano ujye ubona amakuru yihuse kandi kugihe kuri Facebook no kuri twitter
Dennis Ns./Bwiza.com
