Kuri uyu wa 18 Gicurasi 2020 hateranye Inama y’Abaminisitiri Idasanzwe yari iyobowe na Perezida wa Repubulika, Paul Kagame yigaga ku ngingo zirimo ingamba zo gukumira icyorezo cya Covid-19, yanzura ko ingendo hagati y’Intara ndetse n’Umujyi wa Kigali zizasubukurwa guhera tariki ya 1 Kamena 2020.
Ni nyuma y’amezi hafi abiri ingendo zihagaritswe nk’uko biri mu itangazo rya Minisitiri w’Intebe ryo ku wa 21 Werurwe ryasohotse nk’umurongo mushya wo gukumira iki cyorezo.
Ingendo zakomeje guhagarikwa gusa Inama y’Abaminisitiri iheruka yanzuye ko zisubukurwa ariko zigakorerwa hagati mu ntara ndetse no muri Kigali, ingendo zihuza intara cyangwa Kigali bitangazwa ko zitemewe.
Uretse n’izi ngendo kandi, moto n’amagare bizongera kwemerwa gutwara abagenzi guhera kuri iyo tariki.
Iyi nama yateranye mu Rwanda hari icyizere ko iki cyorezo cyacika. Mu bantu 297 kimaze kugaragaraho kuva tariki ya 14 Werurwe 2020, hasigaye 94 bakirwaye, abandi 203 bamaze gukira.
Ibyemezo byose bigaragara hano hasi
