Abarwanyi ba AFC/M23 bigaruriye umujyi wa Lunyasenge muri Gurupoma ya Musindi mu Ntara ya Kivu y’Amajyaruguru nk’uko byatangajwe na FARDC kuri iki Cyumweru.
Mu itangazo rigenewe abanyamakuru, ubuyobozi bw’Ibikorwa bya Gisirikare bya Sukola I muri Grand Nord buvuga ko ari ukurenga nkana ku ihagarikwa ry’imirwano ndetse n’ingamba zose zafashwe mu biganiro bya Doha.
Igitero kivugwa cyagabwe mu gace ka Lunyasenge, ku nkengero z’Ikiyaga cya Edward ku itariki ya 2 Gicurasi 2025.
FARDC yakomeje itangaza ko ifite uburenganzira bwo kwihorera ku mpande zose niba iterabwoba rya M23 rikomeje.
