Leta ya Ethiopia yatangaje agahenge mu Karere ka Tigray kari mu majyaruguru, mu gihe inyeshyamba zivuga ko zigaruriye umurwa mukuru wako Mekelle. Abahatuye bavuze ko babonye abantu bari mu byishimo, ababarirwa mu bihumbi bari mu mihanda bafite n’amabendera bacana n’imiriro y’ibyishimo. Leta ya Ethiopia ntabwo iremeza ko yatakaje uwo mujyi. Hashize hafi amezi umunani ingabo zayo zihiritse ishyaka ryari ku butegetsi muri ako karere. Impande zombi zashinjwa kwica abantu mu kivunge ndetse no guhonyora uburenganzira bwa muntu. Umuryango w’abibumbye (ONU/UN) uvuga ko abantu barenga miliyoni eshanu bacyeneye imfashanyo yihutirwa y’ibiribwa, naho abagera ku 350,000 babayeho mu nzara. Ku wa mbere, amakuru yatangiye gukwirakwira ko abarwanyi bo muri Tigray – bagabye igitero gishya mu cyumweru gishize – birukanye ubutegetsi bw’inzibacyuho bakabukura i Mekelle. Getachew Reda, Umuvugizi w’umutwe Tigray People’s Liberation Front (TPLF), yabwiye ibiro ntaramakuru Reuters ko ubu noneho uwo mujyi uri mu maboko yabo. Hagati aho, TPLF ntacyo iravuga ku gahenge katangajwe na Leta mu gihe yo ivuga ko ari ukugira ngo abantu bahinge. Kurikira ibiganiro n’amavidewo binyura kuri Bwiza TV
XMA Header Image
Abemera kurwanya Leta bameze nk’abarya amafi bayaryana n’amahwa yayo – Umunyamakuru Assouman
youtube.com
