Inzoka yasohotse mu ishyamba mu Ntara ya Fujian, mu gihugu cy’u Bushinwa, yinjira mu rwuri rw’ihene yibamo imwe yahise inamira bunguri ifite ibiro 40.
Iyi nzoka yari isanzwe ifite ibiro 32,5 n’uburebure bwa Metero 4, ikaba yamize bunguri ihene y’umuturage witwa Yao, yari ifite ibiro 40.
Ikinyamakuru QEN (Quanzhou Evening News) gitangaza ko iyi nzoka yasanzwe ku musozi uri hafi y’umujyi wa Longju, ku Cyumweru tariki ya 1 Nzeri 2019.
Iki kinyamakuru gitangaza ko Yao n’umugore we, bashakishije iki gikoko nyuma yo gusanga hari indi hene mu zabo yabuze, bakomeje kugenda bashakisha baza gusanga iyi nzoka irimo kugerageza kuyimira.
Yao ati “Nagize ibyiyumviro by’uko hari icyaba cyayiriye noneho tuza kubona inzoka ndende ku musozi hafi y’ umukumbi wacu.”
[penci_related_posts dis_pview=”no” dis_pdate=”no” title=”Izindi nkuru wasoma” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
Yakomeje avuga ko iyo nzoka yamaze isaha yose igerageza kumira iyi hene, yasubijwe mu ishyamba n’abapolisi bashinzwe umutekano w’inyamaswa.
