Umuvugizi wa Leta ya Irani Ali Rabiel, kuri iki cyumweru tariki ya 10 Gicurasi, yatangaje ko Irani yiteguye guhanahana imbohe na Leta zunze ubumwe za Amerika ariko ko bakaba bakirindiriye kumva icyo Amerika babitangazaho.
Nkuko france24 ibitangaza, Ku cyumweru, ibitangazamakuru byo muri Irani byatangaje ko Iran yiteguye ibiganiro byo kuba ibi bihugu byombi bibiri byabasha guhanahana imbohe kubera ubwoba bw’uko coronavirus ishobora gushyira ubuzima bw’imfungwa mu kaga.
Iki kinyamakuru kivuga ko umuvugizi wa guverinoma Ali Rabiei avuga ko hari “ubushake bwo kuba bahana imfungwa zose” byaganirwaho nta shiti.
Rabiei yagize ati: “Ariko Amerika yanze gusubiza, kugeza ubu”. Ati: “Turizera ko mu gihe icyorezo cya Covid-19 kibangamiye ubuzima bw’abaturage ba Irani muri gereza zo muri Amerika, guverinoma y’Amerika amaherezo izahitamo ubuzima muri politiki.” Gusa uyu muvugizi wa Leta ya Iran avuga ko bigaragara ko Amerika ifite ubushake bwo kurangiza iki kibazo.
Irani ni kimwe mu bihugu bifite abantu benshi bazahajwe cyane n’icyorezo, mu gihe Amerika iza kw’isonga ry’abafise imibare minini y’abanduye ku isi. Ibi bihugu byombi kandi bikunze kurebana ayingwe ari nako bishotorana , byaba ari amateka igihe byaba bihererekanye imfunda kubera icyorezo cya COVID19.
