Ishyaka ryitwa Sahwanya FRODEBU ryo mu Burundi, ryahamagariye Leta iyobowe na Ndayishimiye Evariste, kwemeza ko muri icyo gihugu habayeho Jenoside yakorewe Abahutu mu 1972. Ni ubwa mbere Sahwanya FRODEBU igaragaje uruhande ihagazeho kuri iyi ngingo itavugwaho rumwe mu Burundi. Ubu busabe bwavugiwe mu kiganiro ishyaka Sahwanya FRODEBU ryagiranye n’abanyamakuru i Bujumbura aho ufite icyicaro. Umuyobozi wa Sahwanya FRODEBU, Pierre Claver Nahimana, yemeje ko ibyabaye ku bwoko bw’Abahutu na we akomokamo, ari jenoside. Ati ” Ibyago byagwiririye u Burundi mu mwaka wa 1972, bigakomeza kugeza mu 1973 ni jenoside yakorewe Abahutu bo mu Burundi. Iyo jenoside yakozwe n’ubutegetsi bwa politiki n’igisirikare…” Nahimana yavuze ko we na benshì mu bagize Sahwanya FRODEBU, abayobozi baryo, abawushinze n’abandi ari abacitse ku icumu muri ubwo bwicanyi. Ishyaka Sahwanya FRODEBU ryifuza ko Komite CVR, ishinzwe gushakisha ukuri kuri ubwo bwicanyi, yakora akazi kayo neza. Ni mu gihe CVR isabwa ibi, amashyirahamwe yigenga aherutse kuvuga ko yahengamiye uruhande rumwe mu buryo bise ” Bukabije, wagira ngo ni umugwi wa Leta aho kuba uwigenga.” Abacitse ku icumu mu mwaka wa 1993, cyane abo mu Bwoko bw’Abatutsi bakunze kuvuga ko CVR itajya ishakisha ukuri ku bwicanyi bakorewe kandi biri mu byo ishinzwe. Umuyobozi wa Sahwanya FRODEBU, P. Claver Nahimana avuga ko ” mu rwego rwo kubanisha Abarundi, hakwiriye kujyaho uburyo bwo gusabana imbabazi.” Hari abavuga ko kwemeza Jenoside y’Abahutu mu Burundi atari umuti mwiza w’ikibazo mu kwimakaza ubumwe bw’Abarundi. Mu mategeko mpuzamahanga, ONU/UN niyo yonyine ifite ububasha bwo kwemeza ko hari jenoside yakozwe mu gihugu runaka. ONU/UN yari yatangaje ko mu 1972 mu Burundi hapfuye abantu basaga ibihumbi 300.
4 Responses
Ishyaka ryasabye u Burundi kwemeza ko habayeho Jenoside yakorewe Abahutu
So,what? Ariko abanyapolitiki babarunfi bagira amazi mu mitwe yabo? Barumva ikibazo kibabaje abarundi ari ijambo jenoside? Njye ndabemereye yarabaye. None se hahindutse iki?
Ishyaka ryasabye u Burundi kwemeza ko habayeho Jenoside yakorewe Abahutu
So,what? Ariko abanyapolitiki babarunfi bagira amazi mu mitwe yabo? Barumva ikibazo kibabaje abarundi ari ijambo jenoside? Njye ndabemereye yarabaye. None se hahindutse iki?
Ishyaka ryasabye u Burundi kwemeza ko habayeho Jenoside yakorewe Abahutu
Muli 1972,koko hishwe abahutu benshi muli mu mugambi wiswe Plan Simbananiye Artemon wali minister.Abahutu benshi bahungiye mu Rwanda.Nibo bagize uruhare rukomeye muli genocide yabaye mu Rwanda.
Ishyaka ryasabye u Burundi kwemeza ko habayeho Jenoside yakorewe Abahutu
Muli 1972,koko hishwe abahutu benshi muli mu mugambi wiswe Plan Simbananiye Artemon wali minister.Abahutu benshi bahungiye mu Rwanda.Nibo bagize uruhare rukomeye muli genocide yabaye mu Rwanda.