Minisiteri y’Ubuzima mu Rwanda kuri uyu wa 17 Kanama 2020 yatangaje ko mu isoko ry’ibiribwa rya Nyabugogo rizwi nko kwa Mutangana ryanonetsemo abantu 59 banduye Covid-19, mu gihe mu gihugu hose habonetse 87 mu bipimo 4018 byafashwe.
Abandi ni 25 bapimwe mu bibasiwe kurusha abandi mu Karere ka Rusizi, 2 babonetse mu Karere ka Huye n’umwe wabonetse mu Karere ka Nyamasheke.
Abamaze gukira Covid-19 bageze ku 1661 barimo 13 b’uyu munsi.
Muri rusange, abantu 2540 ni bo bamaze kugaragaraho iki cyorezo, abakirwaye ni 871. Ibipimo byose bimaze gufatwa ni 338,288.
Mu minsi ine ishize gusa, mu Rwanda hamaze kugaragara abarwayi 340 barimo ab’uyu munsi,93 babonetse tariki ya 14 Kanama, 59 babonetse tariki ya 15 Kanama n’101 babonetse kuri uyu wa 16 Kanama 2020.
Iri soko riri mu hagaragaye abantu 80 barwaye Covid-19 mu Mujyi wa Kigali, kuri uyu wa 16 Kanama. Ryo n’iry’Umujyi ryitwa Kigali City Market yahise ashyirwa muri Guma mu Rugo guhera kuri uyu wa 17 kugeza ubwo iminsi irindwi izaba ishize. Minisiteri y’Ubuzima yatangaje ko abayakoreramo bakomeza gupimwa iki cyorezo, aho bakorera haterwe imiti.
