Impunzi z’abanye-Congo zimaze igihe zicumbikiwe mu nkambi ya Kiziba iherereye mu karere ka Karongi, zaramukiye mu myigaragambyo yo mu mahoro zamagana Jenoside zivuga ko ikomeje gukorerwa muri Repubulika Iharanira Demokarasi ya Congo.
Jenoside izi mpunzi zamaganye ni iyo zivuga ko iri gukorerwa bene wabo bo mu bwoko bw’Abatutsi bo mu ntara ya Kivu y’Amajyaruguru, Abanyamulenge Bo muri Kivu y’Amajyepfo ndetse n’Abahema bo mu ntara ya Ituri.
Ibyapa zitwaje byanditseho amagambo atandukanye arimo asaba ubutegetsi bwa Repubulika Iharanira Demokarasi ya Congo guhagarika ubwicanyi bukomeje gukorera abaturage.
Ni ubwicanyi ahanini bukorwa n’imitwe yitwaje intwaro irimo FDLR na CODECO isanzwe ifitanye imikoranire n’Ingabo za Repubulika Iharanira Demokarasi ya Congo.
Live: Kiziba @KarongiDistr impunzi z’Abakongomani bazindutse mu rugendo rw’amahoro bamagana Jenoside iri gukorerwa abo mu bwoko bw’Abatutsi,Abanyamurenge n’Abahema.@bbisimwa @WillyNG0MA @VPMDefenseRdc @PatrickMuyaya @RealManziWilly #StopGenocide pic.twitter.com/KigSCiEURl
— Bwiza News (@bwizanews) March 4, 2024
Impunzi kandi zageneye ubutumwa ibihugu nka Malawi, Tanzania, u Burundi na Afurika y’Epfo bisanzwe bifite Ingabo mu ntara ya Kivu y’Amajyaruguru, aho zagiye gufasha ku rugamba Ingabo za Repubulika Iharanira Demokarasi ya Congo mu ntambara zihanganyemo n’umutwe wa M23.
Impunzi z’abanye-Congo kandi ziramagana imiryango yiyita ko iharanira uburenganzira bw’ikiremwamuntu, nyamara ikaba ikomeje kuruca ikarumira ku biri kubera muri Congo Kinshasa.
One Response
Karongi: Impunzi z’abanye-Congo zakoze imyigaragambyo zamagana Jenoside iri muri RDC
Ubuse imyigaragambyo noneho yemewe mugihugu,ubushyize barigaragambije barahanwa none bewese cg barahanwa?