Mwanamitindo wa Rwanda, Kate Bashabe, amekanusha vikali uvumi ulioenea kwenye mitandao ya kijamii kwamba anapanga kuolewa na mbwa wake. Hii ilitokana na hatua yake ya kusherehekea siku ya kuzaliwa ya mbwa wake wa miaka tisa, jambo ambalo baadhi walilitafsiri vibaya na kuanza kumtukana mtandaoni.
Kupitia ujumbe aliouchapisha kwenye mitandao ya kijamii, Bashabe alieleza kusikitishwa na watu wanaomsingizia mambo yasiyo na msingi. Alisema: “Hebu niwaulize, mtu anayeamka na kusema eti naenda kuoa mbwa wangu, huyo ni mzima kweli?”
Aliongeza kuwa upendo alionao kwa mbwa wake hauna maana nyingine fiche, na ataendelea kuwahudumia kama kawaida. “Nawapenda mbwa, nawapenda kama mbwa… sitawahi kuacha kuwapenda, kwa hiyo ukubali hali hiyo,” alisema.
Aliwataka watu waheshimu maamuzi yake binafsi na waache kumzushia mambo au kumdhalilisha kwenye mitandao ya kijamii kwa nia ya kuvutia watu. Alisema: “Kama nimezeeka, hilo ni jambo langu binafsi — halihusiani nanyi.”
Kate Bashabe aliwasihi Wanyarwanda kuwa waangalifu na maneno yao dhidi ya wengine, hasa mtandaoni, kwani yanaweza kuathiri maisha ya mtu kwa kiasi kikubwa.
