Moà¯se Katumbi Chapwe atavuga rumwe n’ubutegetsi bwa RDC, yasabye Denis Kadima uyobora Komisiyo y’amatora muri iki gihugu (CENI) kwegura nyuma y’ubujura bw’amajwi avuga ko bwaranze amatora y’Umukuru w’Igihugu yatsinzwemo na Perezida Félix Antoine Tshisekedi Tshilombo.
Katumbi ni we wabaye uwa kabiri inyuma ya Tshisekedi mu matora yo ku wa 20 Ukuboza, nyuma yo kugira amajwi abarirwa muri 18%.
Uyu munyapolitiki mu itangazo yasohoye ku Cyumweru tariki ya 7 Mutarama, yashimangiye ko ariya matora yaranzwe n’inenge nyinshi, mbere yo gusaba Kadima “kwegura nta kuzuyaza.”
Ku wa Gatanu tariki ya 5 CENI yagize impfabusa amajwi y’abakandida 82 biyamamarizaga kuba abadepite mu nteko ishinga amategeko ya RDC, nyuma yo kubashinja amakosa arimo ubujura bw’amajwi.
Katumbi ashingiye kuri iki cyemezo, yavuze ko iki ari igihamya cya mbere cyerekana ko hari byinshi bidakurikije amategeko byaranze amatora yo muri Congo.
Ni Katumbi by’umwihariko wahamagariye abanye-Congo kutemera ubutegetsi bwa Manda ya kabiri ya Tshisekedi ahamya ko yahawe mu buryo bunyuranyije n’itegekonshinga.
Kuri ubu yaba Katumbi, abanyapolitiki bagenzi be ndetse n’inzego zitandukanye bakomeje gusaba ko hakorwa iperereza ryigenga ku nenge zaranze ariya matora, byanashoboka akaba yaseswa hagategurwa andi.
2 Responses
Katumbi yasabye Denis Kadima kwegura nta kuzuyaza
Yakwikomereje mumupira kwariho ashoboye,abamushuka kobamubeshyara,niyemereko yatsinzwe azagaruke ubutaha.
Katumbi yasabye Denis Kadima kwegura nta kuzuyaza
Djambowandugu kwanini moise katumbi anakanayale aliyopitikapalekwenye votes zilikua asikamate ceni kamawadjinga ndioivyo namutotopale anaezishuudiya kwaivyo mimi minaezionayakwamba katumbi anaezitokambeleyawakati kwasababu tsisekedi alishakapita nahatatokaka axint wandugu?