Abashumba bo mu Karere ka Kayonza mu Murenge wa Murundi mu Kagari ka Buhabwa bishe inzoka nini cyane yari imaze kumira ihene yose kuwa 28 Kamena 2021. Iyi nzoka yishwe kumugoroba wo kuri uyu Mbere nkuko amakuru avugwa abyemeza, ikaba yishwe n’abashumba nyuma yo kuyibona imaze kumira ihene. Abayibonye nk’uko Inkanga ibitangaza, bavuga ngo ” Ni inzoka nini ndende ipima nibura hagati ya metero eshanu na metero esheshatu, bakaba bayishe ubwo bayibonaga mu muhanda yambukiranya ijya kunywa amazi.” Uwatanze amakuru avuga ko nyuma yo kuyica, bayisaznemo ihene itarakomeretse na gato, bagakeka ko ari bwo yari ikimara kuyimira. Bamwe mu babonye iyi nzoka batangaje ko ibi ari ibintu bidasanzwe aho umuntu abona inzoka imira ihene yose. Kurikira ibiganiro n’amavidewo binyura kuri Bwiza TV->https://www.youtube.com/channel/UC_Wx4Sy2IawVLtp5-QMRhnQ]
