Asubuhi ya Jumapili, tarehe 11 Mei 2025, mwanamume mwenye umri wa miaka 45 aitwaye Nkundiye Laurent alipatikana amekufa ndani ya ofisi ya mtaa wa Bihari, katika kata ya Ruhuha, wilaya ya Bugesera. Inashukiwa kuwa huenda alijiua au alikufa kutokana na ukatili aliotendewa kabla ya kufariki.
Ripoti zinaeleza kuwa usiku uliotangulia kifo chake, marehemu alihusika katika vurugu mara mbili tofauti, hali iliyosababisha akamatwe na walinzi wa usiku na kufungiwa kwenye ofisi hiyo ya mtaa.
Baadhi ya wakazi waliliambia BTN TV, ambayo iliripoti habari hii, kuwa wanashuku huenda alichapwa vibaya kabla ya kufa, na waliomkamata wakajaribu kuonyesha kuwa alijiua.
Jirani mmoja alisema: “Walimvua fulana, wakaifunga shingoni, wakamn’gan’niza kwenye nguzo ili ionekane kama alijiua.”
Uwamugira Marthe, Katibu Mtendaji wa kata ya Ruhuha, alithibitisha kisa hicho lakini akasisitiza kuwa chanzo halisi cha kifo bado hakijajulikana kwani uchunguzi unaendelea.
