Minisiteri y’Ubuzima mu Rwanda kuri uyu wa 15 Kanama 2020 yatangaje ko mu mujyi wa Kigali habonetse abantu 59 banduye Covid-19, bakaba ari bo bonyine babonetse muri iki gihugu mu bipimo 5569 byafashwe.
Aba ni abapimwe mu bibasiwe kurusha abandi ndetse no mu midugudu iri mu kato.
Abamaze gukira Covid-19 bageze ku 1631 barimo 27 b’uyu munsi.
Muri rusange, abantu 2352 ni bo bamaze kugaragaraho iki cyorezo, abakirwaye ni 713. Ibipimo byose bimaze gufatwa ni 329,474.
