Minisiteri y’Ubuzima mu Rwanda kuri uyu wa 14 Ukwakira 2020 yatangaje ko abantu 32 banduye icyorezo cya Covid-19 mu bipimo 1573 byafashwe.
Abanduye barimo 26 babonetse mu itsinda ry’abapimwe mu nkambi y’impunzi mu Karere ka Kirehe (Mahama), 3 babonetse mu Karere ka Gatsibo, 2 babonetse i Rubavu n’undi wabonetse i Gicumbi.
Ni mu gihe kandi iki cyorezo cyishe umuntu wa 33 mu Rwanda, akaba ari umugabo w’imyaka 42 y’amavuko.
Abamaze gukira iki cyorezo ni 4398 barimo 268 b’uyu munsi, abakirwaye bo ni 509. Abamaze kugaragaraho iki cyorezo muri rusange ni 4940 mu bipimo 521,137 yafashwe muri rusange.
