Kumenya ko uri mu ntambara y’ umwuka ni umugisha- Pst Muyango James

10

Umushumba w’ Itorero, Potter’ s Hand,Pst James Muyango ashimangira ko iyo umukristu amenye ko ari mu ntambara y’ umwuka bituma afata ingamba z’ uburyo yayirwana ndetse kuri we bikaba ari ni umugisha ukomeye kumenya ko ari muri iyo ntambara.
Iyi nyigisho yashingiye ku byanditswe biboneka muri Bibiliya, I Petero 5:8-9 , ijambo ry’ Imana rivuga riti” Mwirinde ibisindisha mube maso”.
Pst, James Muyango yateruye asobanura ko igisindisha ni ikuntu cyose gitwara ubwenge , ni ikintu cyose kigutegeka uko witwara bitandukanye ni uko wari usanzwe umeze .
Aha , agira ati « Igisindisha si inzoga gusa ariko icyarangaza umukristu cyose kigatuma yibagirwa inshingano ze gishobora kumubera ikiyobyabwenge ».
Mu rwego rwo kurushaho gusobanurira abantu b’ Imana uburyo bashobora « Gusenya Ibihome »,Pst. Muyango yatanze urugero rwa Hamani wari wujuje ibyangombwa byo kwitwa umwanzi .
Muri Esiteri 3:8-11, Hamani yarangwaga no kurega, kwanga (umwanzi) no kurimbura ubwoko bw’ Imana ariko Moredikayi yatahuye imigambi ye yose abona kunesha.
[xyz-ihs snippet=”google-pub”]
Pst. Muyango yaboneyeho umwanya kandi wo kwibutsa abakristu ko bagomba kumera nka Moridekayi bakamenya uburiganya bwa satani n’ imigambi mibi abifitiye.
Ati « Kumenya imigambi ya satani ni intambwe ya mbere ariko iya kabiri ni ukwibuka buri gihe ko hari n’ amasezerano Imana igufiteho , Esiteri ntiyarazi amasezerano y’ Imana kenshi rero ibyo bifasha satani kuko yishimira ko abantu babaho batazi icyo Imana yabasezeranyije bakabaho nta jwi ribongorera bumva nta na discernements bafite ».
Akomeza kandi yigisha ko Esiteri amaze kumenya imigambi y’ umwanzi n’ amasezerano Imana ifitiye ubwoko bwayo yahise ategeka ko hakorwa amasengesho y’ iminsi 3 nta kurya nta kunywa.
Ingaruka z’ amasengesho
Kuri iyi ngingo, Pst. Muyango yerekanye uburyo amasengesho y’ abera yatumye umwami abura amahoro, abura ibitotsi arakanguka mu ijoro kugeza ubwo Hamani yazindukiye ibwami ahabwa ihurizo rikomeye kugeza ubwo afukamiye Moridekayo akamuha n’ icyubahiro kimukwiriye bitewe n’ ukuntu yakijije umwami.
Aha Pst. Muyango yavuze ko abantu bakwiriye kumenya ko Satani atagira imikino n’ imiteto ni ukuvuga ko agomba kwirukanywa mu izina rya Yesu niryo zina ryo nyina rimutera ubwoba.
Ati « Harimo ibintu umukristu agomba kunesha ari uko asenze mu kuri kugeza ubwo umwuka wera amanutse kuko gusenga ni ugushyira amanga nu ukugira umwete wo kurushaho kwegera Imana kuko iyo dusenga hari ubuntu n’ igikundiro by’ Imana butuzaho (favour)».
[xyz-ihs snippet=”google-pub”]
Pst. James Muyango yasoje iyi nyigisho akangurira abantu ko igihe cyo gusenga kitararangira kuko gusenga byagiye bihindura amateka ya benshi(Nehemiya1:4; 2:4-8), ku bw’ amasengesho Hanani yabyaye Samweli (1 Samuel 1:8-28).

Foto :PHM
Kanda hano ubone amakuru yihuse kandi ku gihe kuri Facebook no kuri twitter
Gaston Rwaka/Bwiza.com

Musubize:

Tanga igitekerezo
Andika amazina