Kuri uyu wa Gatatu, itariki 15 Mata 2026, ku Rwibutso rwa Jenoside rwa Kigali, Umuvugizi wungirije w’Ingabo z’u Rwanda, Lt Col Simon Kabera, yifatanyije n’abakozi ba Ecobank mu gikorwa cyo kwibuka Jenoside yakorewe Abatutsi mu 1994.
Mu kiganiro yatanze, Lt Col Simon Kabera yasobanuye uko Jenoside yateguwe ikanashyirwa mu bikorwa bitewe n’imiyoborere mibi yari iriho icyo gihe.
Yanagaragaje kandi uruhare rukomeye Ingabo za RPA zagize mu guhagarika Jenoside yakorewe Abatutsi.
Yakomeje ashimangira inshingano z’Abanyarwanda muri iki gihe zo kurwanya ingengabitekerezo ya Jenoside, kurwanya urwango n’amacakubiri, kwigisha amateka nyakuri, no kurera urubyiruko rufite indangagaciro z’ubumwe n’ubwiyunge.
