Minisitiri w’Ingabo, Juvenal Marizamunda, na Gen. MK Mubarakh, Umugaba Mukuru w’Ingabo z’u Rwanda, bakiriye Lt Gen Huang Xucong, umuyobozi wungirije akaba n’umugaba mukuru w’ubuyobozi bw’Igisirikare cy’u Bushinwa bushinzwe igice cyo hagati hamwe n’intumwa ayoboye, bari mu ruzinduko rw’iminsi ine mu Rwanda.
Baganiriye ku buryo bwo gushimangira ubufatanye buriho hagati y’Ingabo z’u Rwanda n’Ingabo z’u Bushinwa nk’uko tubikesha Minisiteri y’Ingabo y’u Rwanda.
Kuri uyu wa Gatanu, izo ntumwa zirasura ikigo cy’imyitozo ya gisirikare i Gabiro kandi zisure ishuri rya gisirikare ry’u Rwanda i Gako.
Ku munsi w’ejo, izo ntumwa zunamiye abazize Jenoside yakorewe Abatutsi mu 1994 ku Rwibutso rwa Jenoside rwa Kigali maze basura inzu ndangamurage y’ubukangurambaga bwo kurwanya jenoside.
