Katika kile ambacho mwandishi wa Kifaransa Romain Molina anakielezea kama matumizi mabaya ya fedha za umma katika sekta ya michezo ya DR Congo, vilabu vya soka barani Ulaya—AS Monaco, AC Milan, na FC Barcelona—vimesaini mikataba yenye thamani ya $25 milioni kwa mwaka, lakini hakuna hata moja linalovaa mavazi yenye ujumbe wa kutangaza nchi hiyo.
Kampeni hiyo ililenga kutangaza kauli mbiu: “DRC, Moyo wa Afrika.” Hata hivyo, Molina anasema kauli hiyo haijawahi kuonekana kwenye jezi za vilabu vikubwa.
Ilianza na mkataba wa $1.6 milioni na AS Monaco, ikafuatiwa na mkataba wa $14 milioni na AC Milan, kisha €10 milioni kila mwaka kwa ushirikiano na FC Barcelona.
Licha ya lengo la kutangaza sura ya DRC duniani, hakuna uthibitisho wa mafanikio yoyote.
AC Milan tayari walikuwa wameuza nafasi ya matangazo kabla ya kusaini. Monaco imeweka nembo ya DRC tu kwenye jezi za vijana.
Kwa Barcelona, mkataba unadaiwa kuwa wa €45 milioni kwa miaka minne, pamoja na bonasi ya €5 milioni kwa mechi moja ambapo Barcelona itavaa jezi yenye maandishi “DRC, Moyo wa Afrika.”
Mgogoro wa Kiministeri
Kwa mujibu wa Molina, usimamizi wa mikataba hiyo umesababisha migogoro kati ya mawaziri wawili: Waziri wa Michezo, Didier Budimbu, na Waziri wa Utalii, Didier M’Pambia.
Kila mmoja anataka kudhibiti na kupata sifa ya mikataba hiyo.
Wakati hayo yakiendelea, miundombinu ya michezo nchini Congo iko katika hali mbaya, bila viwanja vya kisasa, hakuna mashirikisho imara, na vipaji vinaondoka nchi.
Mpaka sasa, hakuna mafanikio ya wazi yanayoonekana kutokana na uwekezaji huu.
