Ikipe ya Le Messager Ngozi y’i Burundi yegukanye igikombe cy’irushanwa ryitiriwe Pierre Nkurunziza wahoze ari kiriya gihugu, nyuma yo gutsinda ku mukino wa nyuma Frambeau du Centre ibitego 2-1.
Hari mu mukino wabereye kuri Stade ya Nkurunziza Peace Park Complex i Makamba.
Ibitego byombi byatsinzwe na rutahizamu Raoul Vyamungu byari bihagije ngo Le Messager Ngozi yegukane kiriya gikombe yashyikirijwe na Perezida Evariste Ndayishimiye.
Vyamungu wahoze akinira ikipe ya Bumamuru FC yo mu ntara ya Cibitoke yafunguriye amazamu Le Messager Ngozi ku munota wa 65 w’umukino, yishyura igitego Frambeau du Centre yari yatsindiwe mu gice cya mbere na AimĂ© Gakiza.
Vyamungu wari wigaragaje cyane yatsindiye Le Messager Ngozi igitego cy’intsinzi ku munota wa 89 w’umukino, birangira yegukanye igikombe cya mbere cya ririya rushanwa ryakinwaga ku nshuro yaryo ya mbere.
