Umunya-Argentine Lionel Messi yaraye atambutse ku munya-Brésil Pele mu gutsinda ibitego byinshi mu mateka y’umupira w’amaguru.
Messi yabigezeho nyuma yo gufasha PSG akinira kunyagira Club Brugge yo mu Bubiligi ibitego 4-1, mu mukino wa UEFA Champions.
Messi yatsinze ibitego bibiri muri uyu mukino, ahita yuzuza ibitego 758 amaze gutsinda mu mateka ye.
Uyu munya-Argentine kuri ubu ararusha igitego kimwe Pele watsinze ibitego 757 byemewe mu mateka ye.
Messi kuri ubu aza ku mwanya wa kabiri mu bakinnyi batsinze ibitego byinshi mu mateka y’umupira w’amaguru, inyuma ya mukeba we Cristiano Ronaldo umaze gutsinda ibitego 801 mu mateka ye.
Uyu munya-Portugal yinjiye mu bitego 800 mu cyumweru gishize ubwo yatsindaga ibitego bibiri mu mukino wa shampiyona y’Abongereza Manchester United akinira yatsinzemo Arsenal ibitego 3-2.
