Miss Ishimwe Naomie ubitse ikamba rya 2020 yikomye bikomeye abakomeje kunenga no kuvuga nabi ku mugabo we Michel Tesfay, bamushinja gukena nyuma yo kumubonana mu modoka rusange.
Ibi yabitangaje mu kiganiro cy’imbona nkubone kuri Instagram, aho yari ari kumwe n’abamukurikira barenga ibihumbi bine.
Muri iki kiganiro yasabye abantu kureka kuvuga ku mugabo we ko kandi gutega imodoka rusange ari ibintu bisanzwe
Aya magambo yayatangaje nyuma y’uko amafoto y’umugabo we asakaye ku mbuga nkoranyambaga amugaragaza yicaye mu modoka rusange, bimwe mu byo benshi baketseho nk’ihungabana ry’ubukungu muri uyu muryango usanzwe wifashije.
Miss Naomie yavuze ko abantu bakwiye kubaha amahitamo y’abandi, cyane cyane mu bijyanye n’ubuzima bwite. Yongeraho ko ibyo bavuga ari ibihuha bidafite ishingiro kandi bishobora guteza akaga mu mibanire y’abantu.
Yanavuze ko kandi niba umugabo we yarakennye (nubwo atari ukuri), bakwiye kumumurekera kuko ari uwe ikindi ko nta mu yigeze aza (Tesfay) ku mbuga nkoranyambaga ngo amutakire amusaba ubufasha kuko yakennye.
