Ingabo z’Umuryango w’Ubukungu wo muri Afurika y’Amajyepfo, ziri mu butumwa bwo kugarura amahoro muri Cabo Delgado, SAMIM zatagiye gutaha.Mu batangiye gutaha harimo abasirikare ba Bostwana n’aba Afurika y’Epfo.
Kuva muri ubu butumwa bw’amahoro imburagihe byatewe n’ikibazo cyo kubura ingengo y’imari.Uretse n’ibibazo by’ubukene bwafashwe nk’imbogamizi , SADC yahisemo gushyira imbaraga mu butumwa bw’ingabo zoherejwe muri Repubulika Iharanira Demokarasi ya Congo.
Izi ngabo zoherejwe mu rwego rwo gufasha FARDC n’ihuriro ryayo guhangana n’umutwe wa M23.Aba basirikare bari bageze muri Mozambique muri Nyakakanga 2021.Byari biteganyijwe ko bazasoza ubwo butumwa muri iki gihugu muri Nyakanga 2024.
Hagataho bivugwa ko bishoboka ko aba basirikare bavuye muri Mozambique bashobora koherezwa muri Congo gutera ingabo mu bitugu bagenzi babo bakomeje kuzahazwa na M23.
