Katika hafla iliyofanyika mjini Hyderabad, India, Opal Suchata, mwakilishi kutoka Thailand, ametangazwa kuwa Miss World 2025, akichukua nafasi ya Krystyna Pyszkova kutoka Jamhuri ya Czech.
Hii ilikuwa mara ya 72 kwa shindano hili maarufu la urembo na vipaji kufanyika, ambapo Opal aling’aa kwa uzuri wake, hekima na uelewa wa kina wa huruma. Alivaa gauni jeupe lililopambwa kwa mawe yanayofanana na vito vya opal, akieleza kuwa linaenzi mradi wake uitwao “Opal For HER”, unaolenga kuwawezesha wanawake kubadilisha dunia kupitia huruma na ujasiri.
Kupitia Instagram, Opal aliandika:
“Gauni hili linaashiria safari ya kupona na kusimama tena. Muundo wake unaakisi wanawake wanaochagua tumaini badala ya hofu.”
Wakati Thailand inaadhimisha ushindi huu mkubwa, India imevunjika moyo, kwani Nandini Gupta, aliyewakilisha taifa hilo, hakuingia katika nafasi 8 za juu, ingawa aliwemo kwenye 40 bora duniani.
Hii ni mara ya pili mfululizo kwa shindano la Miss World kufanyika India, baada ya kufanyika Mumbai mwaka uliopita.
Sasa, Opal Suchata atawakilisha vijana wa dunia katika mipango mbalimbali ya kibinadamu na ya kuwawezesha wanawake, akiendeleza urithi wa waliotangulia kushinda taji hili.
