Vijana wanne wa Kirwanda wamekamatwa katika Wilaya ya Rukungiri, nchini Uganda, wakihusishwa na mauaji ya msichana mwenye umri wa miaka 19, baada ya ugomvi uliosababishwa na kibiriti.
Elly Maate, msemaji wa Polisi wa Mkoa wa Kigezi, alithibitisha tukio hilo na kumtaja marehemu kuwa ni Diana Wase, mwenye umri wa miaka 19. Tukio hilo lilitokea usiku wa Ijumaa katika kijiji cha Nyarushanje, Parokia ya Ibanda, Kata ya Nyarushanje, Wilaya ya Rukungiri.
Watuhumiwa ni:
-
Irakoze Joyeuse (miaka 18)
-
Mutesi Zane (miaka 17)
-
Muhawenimana Claudine (miaka 19)
-
Umutoniwase Pascaline (miaka 19)
Kwa mujibu wa Chimpreports, wote wanadaiwa kuwa wafanyakazi wa baa waliotoka Rwanda.
Maate alisema kuwa usiku wa tukio, marehemu na washukiwa walikuwa wakifanya kazi katika baa inayomilikiwa na mtu aitwaye Kashaija. Walipomuomba kibiriti ili wavutie sigara, marehemu alikasirika na wakaanza kupigana. Wase aligongwa shingoni, akaanguka chini.
Alikimbizwa katika Kituo cha Afya cha Mtakatifu Andrew kilichoko Nyarushanje, na baadaye akapelekwa Hospitali ya Kisizi, ambako alithibitishwa kufariki dunia.
Polisi kutoka Kituo cha Rubabo waliwakamata washukiwa, na uchunguzi unaendelea. Watakapomaliza, washukiwa watafikishwa mahakamani.
