Abasirikare n’ abasivire bagera kuri (40) baturutse mu bihugu 16 aribyo Brazil, Bangladesh, Canada, Kenya, Germany, Switzerland, Uganda, Zambia, India, Israel, Japan, Vietnam, Thailand, Nigeria, Norway, n’ U Rwanda nk’ Igihugu cyakiriye aya mahugurwa, n’intumwa z’ Umuryango w’Abibumbye batangiye amahugurwa abera mu kigo cya girikare I Gabiro, Combat Training Centre (CTC).
Ni umushinga w’inyabutatu wa Loni, Abaterankunga n’abatanga ingabo mu butumwa bwo kubungabunga amahoro; ugamije kwihutisha uburyo bwo kongerera ubuhanga n’ubushobozi hubakwa ibikorwa remezo byo mu butumwa bwo kubungabunga amahoro muri Loni, (‘UN Triangular Partnership Project (TPP) for African Rapid Deployment of Engineering Capabilities’). Umushinga wateguwe na Loni mu 2015 ugamije gufasha ibihugu by’ Afurika byohereza Ingabo mu butumwa bw’ amahoro kongerera ubuhanga n’ ubushobozi
Bimwe mu bikorwa by’ ingenzi uyu mushinga wibandaho harimo ubwubatsi bw’imihanda no kuyisana, kubaka ibibuga bya za kajugujugu no kubisana, gutegura ibigo abashinzwe ku bungabunga amahoro babamo, ibijyanye no gutwara abantu, gufasha/gukurura ibindi binyabiziga byagize impanuka, gukora/gusana ibindi bikoresho bikoreshwa muriyo mirimo y’ ubwubatsi.
Aya mahugurwa abera mu kigo cya gigisirikare yatangijwe kuri uyu wa Kabiri, itariki 13 Werurwe 2018 na Lt Gen Jacques Musemakweri, umugaba w’Ingabo zirwanira ku butaka. Afungura ku mugaragaro ayo mahugurwa Gen Musemakweri yashimiye abateguye ayo mahugurwa kuba barahisemo U Rwanda nk’ Igihugu cyakiriye ayo mahugurwa, na none nka kimwe mu bihugu bitanga ingabo mu butumwa bw’ amahoro bwa Loni. Yibukije abitabiriye inama ko ari amahirwe akomeye badakwiye gupfusha ubusa.
Gen Musemakweri ati, “aya mahugurwa azabafasha gusobanukirwa neza ibibazo duharanabyo muri iyi isi, ubwo bumenyi rero buzatuma mubasha kumenya ibikenewe mu guhangana n’i- bibazo bigaragara mugihe abantu baba bari mu butumwa bw’amahoro”.
Uwitwa Harinder Sood waturutse mw’ishami rya Loni rishinzwe ibikorwa byo kubungabunga amahoro yavuzeko intego nyamukuru yaya mahugurwa ari uguha ubumenyi butuma abajya mu butumwa bw’ amahoro basobanukirwa imbogamizi zigaragara mugihe abantu bari muri ibyo bikorwa bya Loni byo kugarura amahoro.
Bwana Harinder Sood ati, “hari aho usanga ibikorwaremezo bike, aho usanga abashinzwe kubungabunga amhoro muri Loni bagabwaho ibitero, iri n’ iterambere rishya, rikeneye ko murabo boherejwe mu butumwa bw’ amahoro bwa Loni, bikwiye ko habamo n’ abafite ubumenyi bwihariye ndetse n’uburyo bufatika bibafasha gukora akazi kabo neza kandi mu buryo burimo umutekano”.
Source:MoD
