Musanze: Umuturage yavuze uko yangiwe kwinjira mu gisirikare cy’ u Rwanda azira kutagira imyate

Muzehe Mbuguje avuga ko ku bwa Habyarimana ubwo yari minisitiri w’Ingabo, ari na we akeka ko iryo tegeko ryatumye atajya mu gisirikare ryaturutseho. Iyi ni imwe mu ngingo yagarusteho mu byo yavuze ko atazibagirwa ku butegetsi bwa Kayibanda.

Yagize ati ” Habyarimana ku bwe njye ntacyo yantwaye, ariko yari afite abayobozi bateje ikibazo cyane nko mu gisirikare. Njye nagiye mu gisirikare, nagiye gushaka igisirikare. Tugeze mu Ruhengeri noneho bakatwitegereza mu birenge no mu mvugo. Babona nta myate ufite ku birenge kubera ko abandikaga, abacaguraga ari ab’iyo ruguru [Rambura mu Bushiru kwa ba Habyarimana] bahitaga bakureka Twe nta myate twari dufite. Abantu bose bavuye ino aha [Komini Nyakinama] nta n’umwe banditse, twaragarutse.”

Impamvu yatumaga harebwa imyate, muzehe Mbuguje ati ” Abantu b’iyo ngiyo bose babaga bafite imyate. Babaga bashaka kumenya ko ukomoka mu Bushiru ngo ubone kujya mu gisirikare. Icyo gihe baratwirukanye. Ni bya bibazo by’akarere bya Nduga naza Kiga.”

Uyu musaza ku ngingo y’imiyoborere avuga ko hari impinduka zigaragara nk’aho ubuyobozi bwegereye abaturage, iterambere rikaba rihari.

Avuga ko hari ikinyuranyo kinini mu buryo yagiye abona abandi bategetse u Rwanda babigenzaga gusa akavuga ko mu Murenge wa Nkotsi nta kibazo bafite gihambaye ariko akikoma ubujura buri muri ako gace, ngo buteye inkeke.

WAREBA VIDEWO