Umukinnyi w’Ikipe y’Igihugu y’u Rwanda, Haruna Niyonzima avuga ko nta bwoba atewe n’Ikipe ya Simba FC ifitanye umukino ukomeye na Yanga Africans asigaye akinira kuri uyu wa 4 Mutarama 2020. Haruna yageze muri Tanzaniya mu minsi ibiri ishize aho ari umwe mu bakinnyi bari bwitabire umukino uri bubahuze na mukeba, Simba FC yahoze akinira. Yakiriwe n’Ushinzwe amakuru muri Yanga, Hassan Bumbuli n’ushinzwe ubukangurambaga, Antonio Nugaz. Avuga ku mukino bari buhanganemo na Simba kuri uyu wa Gatandatu, yagize ati ” Ni umukino ukomeye, nubaha ariko nta Mu minsi ishize ni bwo Haruna yasinye amasezerano yo gukinira Yanga imyaka ibiri nyuma y’ibihe byo gutsindwa umusubirizo muri AS Kigali. Haruna nk’uko Bongo5 ibitangaza, avuga ko nta mpamvu n’imwe y’impungenge cyane ko ari kumwe n’umutoza, Charles Mkwasa na bamwe mu bakinnyi bakaba bamenyeranye. Kuri ubu Haruna akaba ari mu myitozo na bagenzi be bitegura umukino bagomba guhanganamo na Simba FC. Haruna Niyonzima ni umwe mu bakinnyi bagiriye ibihe byiza muri Tanzania. Yakiniye Yanga na Simba, amakipe akomeye ahora ahanganye yo muri iki gihugu. Yakunzwe n’abafaba b’impande zombi kugeza ubwo yatambukaga bagasasa ibitenge ngo atambuke. Ni uwa gatanu Yanga iguze muri uyu mwaka w’imikino nyuma ya Ditram Nchimbi, Tariq Seif, beki Adeyun Saleh na Yipke Garmien.
bwoba ntewe na Simba. Ndashima Imana ko navuye muri Yanga amahoro kandi nkaba ngarutse meza neza ngo nshiremo imbaraga.”
