Urugereko Rwihariye rw’Urukiko Rukuru Ruburanisha Ibyaha Mpuzamahanga n’Ibyambuka Imbibi rwagize abere abagabo 5 bari bakurikiranweho ibyaha by’iterabwoba rutegeka ko bahita barekurwa urubanza rukimara gusomwa. Abo ni Rumanzi Amran, Nizeyimana Yazid, Uwimana Justin Omar, Kabengera Abdallah na Rurangwa Ibrahim. Bashinjwaga gucura umugambi wo kugirira nabi ubutegetsi buriho, ubwinjiracyaha mu gucura umugambi wo kugirira nabi ubutegetsi buriho n’iterabwoba rishingiye ku nyungu z’idini.
