Umukuru w’abatavuga rumwe na Leta, Raila Odinga, yahamagariye abayoboke be gukomeza gukora imyigaragambyo mu mahoro nyuma y’ibyavuye mu matora y’umukuru w’igihugu, avuga ko imyigaragambyo izakorwa i Nairobi.
Yongeye gusubiramo ko amatora yabaye mu cyumweru gishize yatsinzwe na Perezida Uhuru Kenyatta ari ikinamico. Yavuze ko azabangamira ubutegetsi bwa Kenyatta mu buryo butandukanye, byaba ngombwa agakora igikorwa nk’icyabaye mu bihugu by’Abarabu ubwo habaga imyigragambyo yavanyeho abari abayobozi batandukanye mu cyiswe umuhindo w’Abarabu.
Yanenze akanama gashinzwe amatora agashinja guhimba imibare y’abitabiriye ayo matora. Anenga kandi Perezida Kenyatta avuga ko yihaye ubutegetsi.
Akanama gashinzwe amatora kavuze ko Uhuru Kenyatta yatsinze n’amajwi 98,2%. Ni nyuma yaho Raila Odinga n’abayoboke be banze kwitabira ayo matora.
Perezida Uhuru Kenyatta yavuze ko ayo majwi yongeye kwerekana icyo abaturage bifuza.
[xyz-ihs snippet=”google-pub”]
Odinga kandi yavuze ko umutwe we wa politiki ushaka ko haba andi matora mashya ariko nta bindi bisobanuro yabitanzeho. Yavuze ko ishyaka Jubilee rya Kenyatta ryagirana imishyikirano n’Ihuriro ry’amashyaka atavuga rumwe n’ubutegetsi(NASA), ariko ngo ntashaka kuyigirana na Uhuru Kenyatta.
na[xyz-ihs snippet=”google-pub”]
Amatora y’umukuru w’igihugu yabaye kuwa kane w’icyumweru gishize yari asubiwemo kubera ko ayabaye mu kwezi kwa munani agatsindwa na Perezida Uhuru Kenyatta yari yagizwe impfabusa n’urukiko rw’ikirenga.
Yavuze ko azakora ibishoboka byose akereka Kenyatta ko adakwiye kuba perezida.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com
