Perezida Magufuli yatangaje ko tangawizi yakijije umwana we Covid-19

Perezida wa Tanzania, John Pombe Magufuli kuri uyu wa 17 Gicurasi 2020 yatangaje ko umwana we yakize icyorezo cya Covid-19 nyuma yo kunywa imiti irimo tangawizi.

Ni mu gihe yari yitabiriye amasengesho, yibutsa abakirisitu ko Imana ari yo yabasha gukuraho iki cyorezo cyugarije Isi, mu gihe bakomeje kuyisenga.

Magufuli yahishuriye aba bakirisitu ko n’umwana we yagaragayeho iki cyorezo, ati: “Nanjye ubaganirira aha ngaha, umwana wanjye nibyariye yanduye Corona.”

Yakomeje avuga ko ariko uyu mwana we yakize nyuma yo kwishyira mu kato, akanywa imiti irimo ‘tangawizi’. Magufuli ati: “Yarakize, ubu ni muzima, ari gukora ‘push up”.

Uyu Mukuru w’Igihugu atangaje ibi nyuma yo kugaragaza ko atemera ibiva mu bipimo bya Laboratwari Nkuru y’Igihugu yemeza abanduye iki cyorezo, byatumye akora iperereza agasanga ipapayi ndetse n’ihene na byo bigaragaza ko byanduye iki cyorezo.