Ikibazo cy’ibiyobyabwenge na magendu gikunze kuvugwa mu ntara y’Amajyaruguru kigiye guhagurukirwa n’inzego z’ibanze zifatanyije na polisi y’igihugu n’icyigo cy’imisoro n’amahoro.
Muri turere twa Rulindo, Gicumbi na Burera hakunze kuvugwa abakora ubucuruzi butemewe bwa kanyanga igifatwa nk’ikiyobyabwenge mu Rwanda. Ibyo biyobyabwenge bizanwa mu buryo bwa magendu, ababizana bitwa ”abarembetsi’.
Mu rwego rwo guhangana n’icyo kibazo, ku wa Gatatu tariki ya 1 Ugushyingo 2017, mu karere ka Gicumbi habereye inama ku kurwanya magendu n’ibiyobyabwenge byinjirira ku mipaka ya Buheta, Cyanika na Gatuna. Iyo nama yahuje abayobozi barimo uwa Polisi, IGP Emmanuel Gasana, uwa RRA, Richard Tushabe na Guverineri w’Intara y’Amajyaruguru, Gatabazi Jean Marie Vianney n’abandi.
Mu byo izo nzego ziyemeje ku bijyanye no kurandura icyo kibazo gisa n’icyananiranye muri utwo duce, zirimo ingamba ziyemeje nkuko bigaragara kuri Twitter y’iyi ntara.
IGP Gasana yijeje hagiye gushyirwaho umutwe udasanzwe wa Polisi wo kurwanya magendu n’ibiyobyabwenge muri Burera na Gicumbi.
Komiseri Mukuru wa RRA, Richard Tushabe yijeje ko urwego akuriye rugiye gushyira ingufu zose zishoboka mu kurandura magendu n’ibiyobyabwenge muri utu Turere.
Iyi nama igamije gufata ingamba zo kurandura burundu magendu n’ibiyobyabwenge byinjira mu Gihigu binyuze mu Turere twa Burera na Gicumbi.
[xyz-ihs snippet=”google-pub”]
[xyz-ihs snippet=”google-pub”]
Ikinyobwa cya kanyanga muri Uganda ntigifatwa nk’ikiyobyabwenge, mu gihe mu Rwanda ari ikiyobyabwenge. Bamwe mu bajyaga barangura kanyanga muri Uganda basigaye bahitamo kujya kuyinywerayo bakayizana mu nda. Bimwe mu byoroshya iyo magendu ni uko usanga ibihugu byombi bihana imipaka kandi hagati nta nzego z’umutekano zihakorera.
Kanda hano ujye ubona amakuru yihuse kandi kugihe kuri Facebook no kuri twitter
Ntakirutimana Deus/Bwiza.com
