Abakinnyi b’ikipe ya TP Mazembe bakubiswe n’abafana ba Sanga Balende kuri uyu wa Gatatu ubwo basohokaga muri Stade ya Kashala Bonzola yo muri Mbuji Mayi, nyuma yo gutsinda iyi kipe igitego kimwe ku busa.
Abakinnyi ba Mazembe batatu nibo bibasiwe ubwo bajyaga ku kibuga cy’indege ngo basubire I Lubumbashi.
Abo ni myugariro, Kabasso Chongo, wakomerekejwe ku mutwe, Philippe Kinzumbi wakomerekejwe ku kaboko, na Issac Tshibanga, wakomerekejwe mu mugongo nk’uko amafoto yashyizwe ahagaragara ku rubuga rwa facebook rw’Ikipe ya Mazembe abigaragaza.
Ikipe ya TP Mazembe ivuga ko abapolisi iyo badatabara bagatwara delegation yabo mu ikamyo ya polisi batari kuhava nk’uko tubikesha 7sur7.cd.
“‘Iyo hataba ubutabazi bwa polisi yatwaye delegation yose mu ikamyo nini, twari kubara n’abapfu!” ibi ni ibigaragara kuri page ya facebook ya TP Mazembe.
Abakinnyi ba Mazembe na bagenzi babo bakomeretse, babashije gufata indege basubira I Lubumbashi, aho babarizwa, aho biteganyijwe ko bazahurira n’iyi kipe ya Sanga Balende mu mukino wo kwishyura muri shampiyona y’igihugu.
Kurikira ibiganiro n’amavidewo binyura kuri Bwiza TV
