Kuri uyu wa Mbere, itariki ya 20 Ukwakira, Minisitiri w’Inganda wa RDC, Aimé Boji Sangara, yatanze ubwegure mu bagize guverinoma ya Minisitiri w’Intebe, Suminwa Judith.
Uku kwegura kwaje nyuma yo kwemezwa n’ubuyobozi bukuru bw’ihuriro riri ku butegetsi, Union Sacrée, nk’uko amakuru yizewe agera kuri mediacongo.net yabitangaje.
Nk’uko benshi mu babikurikiranira hafi babitangaje, ukwegura k’uyu wari n’umudepite watorewe Walungu (Kivu y’Amajyepfo) akaba n’umukada muri Union pour la Nation Congolaise ni ukwitegura kujya mu mwanya wa perezida w’inteko ishinga amategeko.
Iyi nkuru yibutsa ko ishyaka UNC ritarashyiraho ku mugaragaro uzasimbura Vital Kamerhe. Uyu mwanya ukaba waragarutsweho mu bisobanuro byatanzwe n’iri shyaka rya politiki mu minsi yashize i Kinshasa.
