Amakuru aturuka muri Repubulika iharanira Demokarasi ya Congo aravuga ko kuri uyu wa Gatatu hadutse imirwano yahuje agatsiko k’insoresore zo mu ishyaka CNDD-FDD zizwi nk’Imbonerakure bivugwa ko zifite ibirindiro muri Gurupoma ya Lemera, ndetse n’inyeshyamba za Mai-Mai Ilunga zikorana bya hafi n’inyeshyamba za Red-Tabara z’Abarundi. Imbonerakure ngo zaba ziri gufatanya n’umutwe w’Aabanyamulenge uzwi nka Gumino uyoborwa na Col. Nyamusaraba.
Iyi mirwano yumvikanye mu duce twa Kifuni na Mibande muri Gurupoma ya Lemera, muri Teritwari ya Uvira, ho muri Kivu y’Amajyepfo, mu burasirazuba bwa RDC.
Amakuru aturuka aha agera ku rubuga SOS Medias Burundi dukesha iyi nkuru, aravuga ko inyeshyamba za Mai-Mai Ilunga zifatanyije na RED Tabara zagabye ibirindiro bya Gumino n’Imbonerakure.
Aya makuru izi nyeshyamba za Mai-Mai zayemereye uru rubuga, mu gihe amakuru aturuka muri Gumino yo yemeje ko yasubije inyuma igitero cya Mai-Mai na Red-Tabara cyari giturutse ahitwa Kashama.
Bati “ Twabirukankanye kugeza Remezo na Kitoga,”
Ku itariki 24 Mata Abanyamulenge basaga 4000 bataye ibyabo bahunga imirwano mu gihe ibiturage byabo bisaga 10 byatwitswe. Abandi Banyekongo biganjemo Abafulero baturanye n’Abanyamulenge bahunze berekeza muri bice bya Lemera, Rubuga na Mulenge.
Iki gice cya Kivu y’Amajyepfo muri iyi minsi kikaba gikomeje kuvugwamo ihungabana ry’umutekano rikabije, aho usanga hakunze kurangwa imirwano ya hato na hato ihuza igisirikare cya leta n’inyeshyamba, ndetse rimwe na rimwe hakaba imirwano hagati y’imitwe y’inyeshyamba ihavugwa itandukanye irimo n’iy’abanyamahanga.
Kurikira ibiganiro n’amavidewo binyura kuri Bwiza TV
4 Responses
RDC: Biravugwa ko Imbonerakure zaba ziri gufatanya na Gumino kurwanya Mai-Mai na Red-Tabara
Afurika yibiyagavbinini izagira amahoro ari uko agatsiko k’abashumba a’mabndi abicanyi bâ fpr batakiriho ni mû byumve mubarwanye batsindwe
RDC: Biravugwa ko Imbonerakure zaba ziri gufatanya na Gumino kurwanya Mai-Mai na Red-Tabara
Afurika yibiyagavbinini izagira amahoro ari uko agatsiko k’abashumba a’mabndi abicanyi bâ fpr batakiriho ni mû byumve mubarwanye batsindwe
RDC: Biravugwa ko Imbonerakure zaba ziri gufatanya na Gumino kurwanya Mai-Mai na Red-Tabara
Intambara zibera muri kariya gace ni inshoberamahanga! Gumino yarwanya ite red tabara kandi zishyigikiwe n’umuntu umwe? Red tabara irwanya abanyamulenge (Gumino) inashyigikiwe n’umuterankunga w’abo banyamulenge igafatanya na Maimai! mbese hari byinshi bidasobanutse! Umuntu yakeka ko uyu muterankunga w’abarwanyi abahanganisha ku nyungu ze gusa!
RDC: Biravugwa ko Imbonerakure zaba ziri gufatanya na Gumino kurwanya Mai-Mai na Red-Tabara
Intambara zibera muri kariya gace ni inshoberamahanga! Gumino yarwanya ite red tabara kandi zishyigikiwe n’umuntu umwe? Red tabara irwanya abanyamulenge (Gumino) inashyigikiwe n’umuterankunga w’abo banyamulenge igafatanya na Maimai! mbese hari byinshi bidasobanutse! Umuntu yakeka ko uyu muterankunga w’abarwanyi abahanganisha ku nyungu ze gusa!