Urwego rushinzwe kurwanya Covid-19 muri Repubulika ya Demukarasi ya Congo rwatangaje ko Gereza ya Gisirikare ya Ndolo imaze kugaragaramo imfungwa 104 zanduye indwara y’icyorezo cya Covid-19 nyuma y’imibare mishya yo kuri uyu wa 3 Gicurasi 2020.
Nyuma yo kugaragaramo imfungwa ya mbere yandujwe n’uwayisuye, handuye izindi eshatu mu minsi yakurikiyeho. Icyo gihe hatangiye igikorwa cyo gupima imfungwa zose, ku nshuro ya mbere haboneka 41 zanduye.
Ku wa Gatandatu tariki ya 2, iki cyiciro gishya cyarapimwe, kigaragaramo imfungwa zanduye 56 gusa izindi eshatu zuzuza 104 ntabwo igitangazamakuru 7 Sur 7 dukesha aya makuru kigaragaza igihe zapimiwe.
Minisitiri w’Ubuzima wa RDC, Dr. Eteni Longondo tariki ya 1 Gicurasi yatangaje ko Gereza ya Ndolo irimo imfungwa zirenga 2000, zikaba zirenze umubare ifitiye ubushobizi bwo kwakira.
